Prentsa-oharrak


itzuli hasierako orrira itzuli atzera 1/33 aurrera egi joan amaierako orrira

  1. Pertsona bat hil da eta beste hiru zauritu dira Orion eta Andoainen gertatu diren bi trafiko-istriputan
    2019/01/16
    Gaurko istripurik larriena arratsaldean gertatu da, kamioi batek eta auto batek elkar jo dutenean AP-8 autobidean, Orio parean. Talkaren ondorioz, autoaren gidaria auto barruan harrapatuta geratu da eta suhiltzaileek erreskatatu behar izan dute. Gidariak zauri larriak zituen eta hil egin da. Bestalde, gaur goizean hiru pertsona, bi gizonezko eta emakumezko bat, zauritu dira N-1 errepidean, Andoain parean, izandako istripuan, hamar ibilgailuk atzetik elkar jo dutenean.
    • Prentsa bulegoa
  2. Bost pertsona zauritu dira Irunen et Donostian gertatu diren bi trafiko-istriputan
    2019/01/14
    Goizaldean furgoneta baten gidaria zauritu da N-121-A errepidean, Irun parean, kamioi batekin aurrez aurre talka egin ondoren. Handik ordu batzuetara, guztira zazpi ibilgailuk, kamioi batek eta sei autok, jo dute elkar atzetik Donostiako saihesbidean, GI-20 errepidean, Aiete parean. Istripuan lau pertsona zauritu dira. Bi istripuek auto-ilarak sortu dituzte goizean zehar.
    • Prentsa bulegoa
  3. Auto baten gidaria atxilotu dute, poliziak Barakaldoko eta Sestaoko kaleetan zehar jazarri ondoren
    2019/01/14
    Ertzaintzako agenteek gizonezko bat atxilotu zuten joan den ostiralean Ortuellan bide-segurtasunaren aurkako delitu bat leporatuta. Gizonezkoak ihes egin zuen eta ausarkeriaz gidatu zuen Barakaldoko eta Sestaoko kaleetan zehar. Polizia atzetik zuela, arrastatuak kontrako noranzkoan gidatu zuen, eta patruila errepidetik ateratzen ahalegindu zen. Azkenean patruila batek geldiarazi zuen A-8 autobidean, Ortuellan. Gidariak positibo eman zuen droga-testean, eta aurretik ikerketapean geratu zen gidabaimena erretiratuta izan arren furgoneta bat gidatzen harrapatu ondoren.
    • Prentsa bulegoa
  4. Zortzi pertsona ikertuta alkoholaren eraginpean gidatzea leporatu ondoren
    2019/01/13
    Ertzaintzak zortzi pertsonari, sei gizonezkori eta bi emakumezkori, ireki dizkie eginbideak, ikertu gisa, asteburu honetan alkoholdun edarien eraginpean gidatzea leporatuta.
    • Prentsa bulegoa

itzuli hasierako orrira itzuli atzera 1/33 aurrera egi joan amaierako orrira